Aichi-Nagoya-2026 XX Osiyo o‘yinlarining ilk kunida taekvonda bo‘yicha O‘zbekiston terma jamoasi o‘zining dastlabki medaliga ega chiqdi. Jamoamizning -67 kg vazn toifasidagi vakilasi Ozoda Sobirjonova o‘zining ishonchli chiqishi orqali musobaqaning final bosqichiga qadar yetib keldi.
Hal qiluvchi jangda Ozodaga Eron terma jamoasi a’zosi Saghar Sheyxlari Moradiy raqiblik qildi. Shiddatli bahsda hamyurtimiz imkoniyatni boy berib qo‘ygan bo‘lsa-da, musobaqa sovrindoriga aylandi.
Bu orqali Ozoda Yaponiya mezbonligidagi Osiyo o‘yinlarida taekvondochilarimizning dastlabki medaliga mualliflik qildi. Sobirjonova bugun faoliyatidagi ilk Osiyo o‘yinlari medaliga sazovor bo‘ldi.
