«Barselona»ning hujumkor yarim himoyachisi Dani Olmo bilan hamkorlik qiladigan agent Endi Bara futbolchining kelajak rejalari haqida gapirdi. Uning so‘zlariga ko‘ra, Olmo Zagrebning «Dinamo» klubiga qaytishni istaydi.

«U faoliyatini «Dinamo»da yakunlamoqchi va bu amalga oshishiga umid qilmoqda. Hatto murabbiy sifatida ham — u murabbiylik faoliyatini «Dinamo»da boshlashni xohlaydi. Dani hozirgacha uyida orqasiga o‘z familiyasi va 7-raqam yozilgan «Dinamo» futbolkasida yuradi. Hatto hozir, Barselonada ham», — dedi Bara Inkubator podkastida.

Dani Olmo o‘z vaqtida Zagrebning «Dinamo» klubi safida 124 ta o‘yin o‘tkazib, 34 ta gol urgan va 28 ta golli uzatmani amalga oshirgan.