Niko Kovach Dortmundning «Borussiya» klubi bilan shartnomasini uzaytirishga yaqin.
Bild ma’lumotiga ko‘ra, tomonlar 2029 yil yoziga qadar mo‘ljallangan yangi kelishuvning asosiy shartlari bo‘yicha allaqachon kelishib olgan. 54 yoshli mutaxassisning amaldagi shartnomasi 2027 yil iyuniga qadar amal qiladi. Bitimni yakunlash uchun endi faqat imzolar qo‘yilishi qolgan.
Kovach «Borussiya»ni 2025 yil yanvar oyida qabul qilib olgan. U dastlabki mavsumida jamoani 11-o‘rindan 4-o‘ringa olib chiqdi va Chempionlar ligasi yo‘llanmasini qo‘lga kiritdi.
Avvalroq Dortmund klubi rahbarlar Karsten Kramer, Lars Rikken va Tomas Tress bilan ham shartnomalarni uzaytirgan edi.
