Нико Ковач Дортмунднинг «Боруссия» клуби билан шартномасини узайтиришга яқин.
Bild маълумотига кўра, томонлар 2029 йил ёзига қадар мўлжалланган янги келишувнинг асосий шартлари бўйича аллақачон келишиб олган. 54 ёшли мутахассиснинг амалдаги шартномаси 2027 йил июнига қадар амал қилади. Битимни якунлаш учун энди фақат имзолар қўйилиши қолган.
Ковач «Боруссия»ни 2025 йил январь ойида қабул қилиб олган. У дастлабки мавсумида жамоани 11-ўриндан 4-ўринга олиб чиқди ва Чемпионлар лигаси йўлланмасини қўлга киритди.
Аввалроқ Дортмунд клуби раҳбарлар Карстен Крамер, Ларс Риккен ва Томас Тресс билан ҳам шартномаларни узайтирган эди.
