«Koventri Siti» bosh murabbiyi Frenk Lempard «Manchester Siti»ning Angliya Premyer-ligasi moliyaviy qoidalarini buzgani sababli chempionlik unvonlaridan mahrum etilishi ehtimoliga munosabat bildirdi.
Angliyalik mutaxassisning fikricha, futbolchilarning maydonda erishgan yutuqlarini ularning xotirasidan o‘chirib bo‘lmaydi.
«Menda chempionlik unvonlari bor, ammo ular devorimga osib qo‘yilmagan. Ular xotiramda saqlanadi.
Eng kuchlilarga qarshi maydonga tushib, ular bilan raqobatlashgan aksariyat futbolchilar g‘alaba qozonish uchun ulkan mehnat qilishgan.
Shuning uchun, menimcha, futbolchidan chempionlik unvonini tortib olish juda qiyin bo‘ladi.
Bunday yutuqlar chiroyli shisha shkafda yoki boshqa joyda emas, inson xotirasida saqlanishi kerak», — deya Lempardning so‘zlarini keltiradi The Athletic.
Frenk Lempard 2014/2015 yilgi mavsumda «Manchester Siti» sharafini himoya qilgan. U «Chelsi»ni tark etganidan so‘ng Manchester klubida bir yil faoliyat yuritgan.
«Manchester Siti» 2009–2018 yillar davomida moliyaviy qoidalarni buzganlikda aybdor deb topilgan.
Biroq klubga nisbatan qo‘llanadigan yakuniy jazo hozircha belgilanmagan.
