Suzish bo‘yicha O‘zbekiston terma jamoasi Toshkentda o‘tayotgan Jahon kubogi bosqichida dastlabki medaliga ega chiqdi.
Erkaklar o‘rtasida 800 metr masofaga erkin usulda suzish bahslarida hamyurtimiz Ilya Sibirsev sovrindorlar safidan joy oldi.
O‘zbekiston vakili masofani 7 daqiqa 40,77 soniyada bosib o‘tib, bronza medalini qo‘lga kiritdi.
Mazkur yo‘nalishda belgiyalik Lukas Xenvo 7:37.83 natija bilan oltin medalni qo‘lga kiritgan bo‘lsa, AQSH vakili Karson Foster 7:40.38 natija bilan ikkinchi o‘rinni egalladi.
800 metr, erkin usul:
1) Lukas Xenvo (Belgiya) — 7:37.83
2) Karson Foster (AQSH) — 7:40.38
3) Ilya Sibirsev (O‘zbekiston) — 7:40.77
