«Milan» bosh murabbiyi Ruben Amorim A Seriyaning oltinchi turida «Sassuolo»ga qarshi 1:1 hisobida yakunlangan uchrashuvda Luka Modrichning jamoa o‘yiniga ta’siri haqida gapirdi.
Xorvatiyalik yarim himoyachi tanaffusdan so‘ng maydonga tushdi. Shundan keyin Adrian Rabyo ancha oldinroq pozisiyada harakat qila boshladi.
«Modrich to‘pga egalik qilishimizga yordam berdi, biroq shu bilan birga, hujumdan himoyaga o‘tish paytlarida biroz ko‘proq qiynaldik. Biz raqib maydoni yarmida o‘yinni nazorat qilishga harakat qildik, ular esa tezkor hujumlarga, jumladan, burchak to‘plaridan keyingi vaziyatlarga umid qilishdi», — deya Amorimning so‘zlarini keltiradi Football Italia.
Ushbu uchrashuvdan so‘ng «Milan» 12 ochko bilan turnir jadvalida beshinchi o‘rinda bormoqda. «Kalyari» ham shuncha ochko to‘plagan edi. U jamoa birinchi taym yakuniga yaqin «Yuventus»ga qarshi 1:0 hisobida oldinda borayotgandi.
