Italiyaning «Roma» klubi bosh murabbiyi Jan Pyero Gasperini portugaliyalik mutaxassis Joze Mourinyoning Rimga qaytishi va uni mahalliy muxlislar qanday kutib olishi mumkinligi haqida fikr bildirdi.

14 oktyabr kuni UYEFA Chempionlar ligasi doirasida «Roma» o‘z maydonida Madridning «Real» klubini qabul qiladi. Ayni paytda Ispaniya jamoasini boshqarayotgan Mourinyo ushbu uchrashuv orqali sobiq klubiga raqib sifatida tashrif buyuradi.

Gasperini portugaliyalik murabbiyning «Roma» tarixidagi o‘rnini e’tirof etib, uning rimlik muxlislar tomonidan iliq kutib olinishi tabiiy holat ekanini ta’kidladi.

«Mourinyo muxlislarning e’tirofiga to‘liq munosib. Ular uni juda qadrlashgan. Shuning uchun u qanday kutib olinsa, bunga haqli ravishda loyiq.

Odamlarga o‘z his-tuyg‘ularini namoyon etishni taqiqlab bo‘lmaydi. Biroq yakunda muxlislar faqat «Roma»ni qo‘llab-quvvatlashadi», — deya Gasperinining so‘zlarini keltiradi UYEFA matbuot xizmati.

Ma’lumot uchun, Joze Mourinyo 2021–2024 yillar davomida «Roma» bosh murabbiyi sifatida faoliyat yuritgan.

Portugaliyalik mutaxassis qo‘l ostida rimliklar UYEFA Konferensiyalar ligasida g‘olib chiqqan va Yevropa ligasi finaliga qadar yetib borgan.