«Lion» bosh murabbiyi Paulu Fonseka Yevropa ligasi umumiy bosqichining ikkinchi turida «Kristal Pelas»ga qarshi o‘tkazilgan uchrashuv yakunlari haqida fikr bildirdi.
Uchrashuv 15 oktyabr kuni Lion shahrida bo‘lib o‘tdi va mezbonlarning 3:2 hisobidagi g‘alabasi bilan yakunlandi.
«O‘yinimiz menga juda yoqdi, ayniqsa birinchi bo‘limda. Biz to‘pga egalik qilgan holda uchrashuvni nazorat qildik, a’lo darajada himoyalandik va «Kristal Pelas»ga birorta ham vaziyat yaratishga imkon bermadik.
Hisob 2:0 bo‘lganida, futbolchilar tabiiy ravishda ustunlikni qanday saqlab qolish haqida ko‘proq o‘ylay boshlashdi. Shunga qaramay, bizda haqiqatan ham yaxshi hujumlar bo‘ldi. Biz to‘g‘ri ruhiyat bilan harakat qildik va mening fikrimcha, bu g‘alabaga to‘liq loyiq edik», — deya Fonseka so‘zlarini UYEFA rasmiy sayti keltirmoqda.
