Кириш Регистрация
02/12 00:45 Лечче - Ювентус
02/12 01:00 Реал Сосьедад 2-0 Бетис
03/12 00:45 Рома - Аталанта
03/12 01:00 Севилья 1-1 Осасуна
03/12 23:00 Мальорка - Барселона
04/12 00:30 Ипсвич - Кристал Пэлас
04/12 01:15 Лестер - Вест Хэм

Блог

Ўзбекистон Миллий ахборот агентлиги

UzA.uz — спорт хабарлари блоги

Тарихда биринчи бор хоккей бўйича Ўзбекистон биринчилигига старт берилади

Баҳо:
+0; -0
ТОШКЕНТДА ЯНГИ “МУЗ ШАҲАРЧАСИ” ҚАД РОСТЛАДИ
Тошкентда кўп тармоқли “Хумо Арена” муз саройининг қурилиш ишлари жадал давом этаётган бир пайтда пойтахтимизнинг қоқ марказида яна бир қишки спорт-кўнгилочар маскан қад ростлади.
Кеча пойтахтимиздаги “Ice City” спорт-кўнгилочар масканига медиа-тур уюштирилди. Умумий майдони қарийб 16 минг м2 бўлган бу маскан нафақат Тошкент шаҳри аҳолиси, балки пойтахтимиз меҳмонлари учун ажойиб совға бўлди.
Ўзбекистон қорли ўлкалар сирасига кирмайди. Айниқса, сўнгги йилларда иқлимнинг кескин ўзгариши сабабли негадир юртимизда қор деярли ёғмаяпти, айрим болажонлар эса қор нималигини, у қандай бўлишини кўрмай улғайишмоқда, десак муболаға бўлмайди.
Янги қуриб битказилган “Ice City” спорт-кўнгилочар маскани ҳамюртларимиз учун қиш фаслининг ҳақиқий завқини ҳис қилиш имконини туҳфа этади. Кўп тармоқли “Хумо Арена” муз саройи ёки “Айс Авеню” спорт-соғломлаштириш мажмуаларидан фарқли ўлароқ ушбу муз шаҳарчасида сиз нафақат қишки спорт турлари (хоккей ва фигурали учиш) билан шуғулланишингиз, балки мириқиб ҳордиқ чиқаришингиз мумкин.
Яна бир эътиборли жиҳат, бу ерда табиий қор воситасида барпо этилган майдонлар ва қорли тепаликлар кишида қишнинг ҳақиқий руҳини ҳис қилиш имконини беради. Жумладан, кичик ёшдаги болалар учун махсус қорли майдончалар ҳам қурилганки, қор бўрон ўйнаши ёки қорбобо ясаш, хуллас қишнинг ҳақиқий нафасини ҳис қилиши учун барча шароитлар муҳайё қилинган.
Ўсмирлар ва балоғатга етган ёшларимиз эса махсус Viking River сувли йўлакчасида ўзларининг ҳақиқий денгизчилар, викинглардек ҳис қилиши мумкин. Қолаверса, махсус дор йўлак бўйлаб сиз ушбу масканни юқоридан томоша қилиш имкониятига эгасиз.
 
f59aeb0d-aa05-4e83-956e-d45f7496c282.jpg
 
Киритилган сана: 30.01.2019 16:45. Ўкилди: 4400 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.