Кириш Регистрация
20/11 01:00 Боливия 2-2 Парагвай
20/11 04:00 Колумбия 0-1 Эквадор
20/11 05:00 Аргентина 1-0 Перу
20/11 05:00 Чили 4-2 Венесуэла
20/11 05:45 Бразилия 1-1 Уругвай
21/11 18:00 Пахтакор - ОКМК
22/11 16:00 Нефтчи - Насаф
22/11 18:15 Қизилқум - Навбаҳор

Блог

Абдумажид Қодиров

Ўзбекистон футболи жаҳонда!

Сизларга Мундиал бегона эмас

Баҳо:
+1; -0

Ўзбекистон миллий терма жамоаси бош мураббийи Миржалол Қосимов Жанубий Кореяга қарши 23 нафар футболчини олиб кетганидан хабарингиз бор албатта.

Мана шу руйхатга назар ташлар эканман, МТЖмиз таркибидаги дарвозабонимиз Игнатий Нестеров, ҳимоячимиз Ислом Иномов, ярим ҳимоячимиз Жасур Ҳасанов ва ҳужумчимиз Александр Гейнрих эътиборимни тортди. Нима сабабдан фақат шу тўртта футболчимиз ҳақида ёзаябсиз деган саволга, ўзингиз пастдаги келтирилган маълумотларимдан билиб оласиз деган умиддаман.

2003 йил мустақил Ўзбекистон футболи тарихида янги саҳифа очилди. Сабаби айнан мана шу йилда Ўзбекистон ёшлар терма жамоаси мамлакатимиз тарихида илк бора Жаҳон чемпионати финал босқичида иштирок этди. Бу кичик мундиал Бирлашган Араб Амирлигида 27 ноябрдан 19 декабргача бўлиб ўтганидан хабарингиз бўлса керак деб ўйлайман. 2003 йилги Ўзбекистон ёшлар таркибида айнан юқорида номи келтирилган тўртта футболчи ўша мундиалда дебют ўйинини ўтказгани билан менинг эсимда қолган эди. Мана улар билан яна бир марта танишинг.

Игнатий Нестеров - ҳозирги кунда миллий терма жамоамизнинг алмаштириб бўлмас асосий дарвозабони. ЖЧ-2003га терма жамоамизнинг асосий дарвозабони сифатида ҳам ташриф буюрган Игнатий Нестеров гуруҳдаги уччала ўйинда ҳам тўлиқ ҳаракат қилиб, ўз дарвозасидан 6 та тўп олиб чиққанди.

Ислом Иномов - ҳимоячи. Айнан Ислом Малига қарши ўйиннинг 18-дақиқасида мамлакатимиз жамоалари орасида Жаҳон чемпионати финал босқичида гол урган илк футболчига айланди.

Жасур Ҳасанов – ярим ҳимоячи. Жасур ЖЧ-2003 мундиалда фақат биринчи ўйиннинг 70-дақиқасида захирадан майдонга тушиб, 20 дақиқа ҳаракат қилган.

Александр Гейнрих - ҳужумчи. Саша ўша мундиалда Мали ва Аргентина дарвозасини бир мартадан ишғол қилганди.

Энди мозийга қайтиб, қуйида ўша 2003 йилги ёшлар ўртасидаги Жаҳон чемпионатида Ўзбекистон иштирок этган учта ўйин ҳақида статистик маълумот бериб ўтсам, бунга бефарқ бўлмайсиз деган умиддаман.

Ўзбекистон - Мали 2:3 (1:1)
28.11.2003. Шаржа. Ал-Шаржа стадиони.
Бош ҳакам: Вилсон де Соуза (Бразилия)
Голлар: Диарра 4, Иномов 18, Бeртe 51, Гeйнрих 63, Кулибали 90.
Ўзбекистон: И.Нeстeров, Ш.Раимқулов, Р.Қодиров (Н.Қўзибоев, 60), Я.Крушeлницкий (C), М.Ҳоликов, М.Саидов, А.Гeйнрих (И.Суюнов, 89), И.Зeйтуллаeв, Э.Магдeeв, М.Бикмаeв (Ж.Ҳасанов, 70), И.Иномов,

Ўзбекистон - Аргентина 1:2 (1:0)
01.12.2003. Шаржа. Ал-Шаржа стадиони.
Бош ҳакам: Абду Диуф (Сенегал)
Голлар: Гейнрих 4, Фeрнандeс 70, Кавeнаги 90-пенальтидан.
Ўзбекистон: И.Нeстeров, Ш.Раимқулов, Р.Қодиров,
Я. Крушeлницкий (C), М.Ҳолиқов (К.Тожиев, 75), М.Саидов, А.Гейнрих, И.Зeйтуллаeв, М.Бикмаeв (Э.Магдеев, 66), И.Иномов, И.Суюнов (Н.Қўзибоев, 74).

Ўзбекистон - Испания 0:1 (0:1)
04.12.2003. Шаржа. Ал-Шаржа стадиони.
Бош ҳакам: Массимо Бузакка (Швейцария)
Гол: Иньeста 15.
Ўзбекистон: И.Нeстeров, Ш.Раимқулов (К.Боев, 86), Р. Қодиров, Я.Крушeлницкий (C), М.Ҳоликов, М.Саидов, А.Гейнрих, И.Зeйтуллаeв, Э.Магдeeв (Н.Қўзибоев, 34), М.Бикмаeв, И.Суюнов (Б.Ваҳобов, 76).

Ҳа, азиз мухлислар, Ўзбекистон миллий терма жамоамиз таркибидаги юқорида номи келтирилган футболчиларимиз бўлган Игнатий, Ислом, Жасур ва Сашада Мундиалда иккинчи маротаба қатнашиш учун яхшигина имконият бор. Ўларга Мундиал бегона эмас. Фақат бугун Жанубий Кореяни ўз майдонида мағлуб этишса кифоя.



Киритилган сана: 11.06.2013 08:01. Ўкилди: 5470 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.