УЕФАнинг молиявий директори Йозеф Коллер тақдим этган ҳисоботга кўра, ташкилотнинг ўтган мавсумдаги даромади 4 миллиард евродан ошди.

2021/22 йилги мавсумдаги даромад 4,052 миллиард еврони ташкил этди, бу ўтган йилга нисбатан 1,673 миллиард еврога кам, аммо 2019/20 йилги мавсумдан 1,014 миллиард еврога кўп.

Шу билан бирга, УЕФА шафелигидаги клуб мусобақаларидан тушган даромад 3,614 миллиард еврони ташкил этди.

Бу маблағ ўтган мавсумга (3,156 миллиард евро) нисбатан 15 фоизга кўпдир. Халқаро мусобақаларга келсак, УЕФАнинг 2018-2022 йилги даврдаги даромади 2014-2018 йиллардагидан деярли икки бараварга кўп (1,911 миллиард еврога нисбатан 1,033 миллиард евро).

УЕФА баланси 3,2 миллиард евродан 2,7 миллиард еврога қисқарди, ташкилот захиралари эса 523 миллион евродан 447 миллион еврогача қисқарди.

Ҳисоботда 2021/22 йилги мавсумда коронавирус пандемиясининг Европа футболига таъсири таъкидланган.