“Навбаҳор” ва “Машъал” жамоалари ўртасидаги учрашув якунига етгач ўтказилгач ўтказилган матбуот анжуманининг биринчи қисмида “Машъал” бош мураббийи Александр Хомяков иштирок этди:

“Ижобий натижани қайд эта олганимиздан албатта хурсандман. Ҳозир вазиятга холисона баҳо беришим қийин. Умуман олганда бизни Наманганда қийин баҳс кутиб турганлигини яхши билардик. Негаки, чемпионатнинг очилиш маросими ва дастлабки ўйин бўлганлиги боис ўйингоҳга кўплаб мухлислар келишини ва улар “Навбаҳор”ни ҳужум қилишга чорлашларини кутгандик. Бундай босимни кутганлигимиз учун қарши ҳужум тактикасини танлагандик. Ана шундай ҳолат туфайли иккита гол уришга муваффақ бўлдик. Уч очкони қўлга киритганимиз учун йигитлардан миннатдорман. Футболчиларимиз ўзларига юклатилган вазифани бутун учрашув давомида беками-кўст тарзда бажаришди. Баҳорий футбол бўлганлиги боис майдонда комбинациян ўйин бўлмасди. Айнан шу сабабли, комбинацион ҳаракат ўрнига оддий тактикани танладик. Яъни ҳимояда мустаҳкам тўп суришни ва рақибни кўплаб ҳужумлар уюштиришини ҳисобга олган ҳолда имкониятлар юзага келишини кутдик. Қарши ҳужумларимиз самарали якун топгани ва ўйлаган тактикамиз иш бергани учун якунда ғалабани қўлга киритдик".