"Саутҳемптон" бош мураббийи Рональд Куман АПЛ 29-турида "Челсига қарши сафар учрашуви олдидан рақиб бош мураббийи Жозе Моуриньога юқори баҳо берди.
"Менимча, Моуриньо яхши инсон. Четдан қараганда бошқача кўриниши мумкин, аммо мен уни яқиндан билиш имкониятига эга бўлганман. Баъзан Моуриньо бошқа одамлар билан ўйнай бошлайди. Буни ҳамма билади. Аммо буни ҳурмат билан бажарса, ҳеч қандай муаммо бўлмайди. У буюк инсон ва жуда омадли мураббий. Унинг жамоаларида ҳар доим яхши муҳит ҳукм сурган.
Моуриньо билан ишлаган барча ўйинчилар у ҳақда яхши фикрдалар. Агар сен топ-мураббий бўлсанг, танқидлар билан ёнма-ён юрасан. Аммо унинг эришган натижалари ҳаммасини айтиб турибди", - дейди Куман.
