Тошкентнинг “Бунёдкор” жамоаси Қатар клублари билан бунгача атиги икки бор майдонга чиққан.
Кўпчиликнинг ёдида бўлса керак, 2014 йилги Осиё Чемпионлар лигаси турнирининг гуруҳ босқичида “қалдирғочлар” Қатарнинг “Ал-Жаиш” клуби билан куч синашишган эди. Тошкентда ўтган баҳсда Нилмар томонидан киритилган икки голга бунёдкорчилардан Баҳодир Пардаев битта гол билан жавоб қайтарган эди. Доҳадаги жавоб учрашувида эса “Бунёдкор” худди шундай ҳисобда устун келганди. “Қалдирғочлар”га ғалаба келтирувчи голларга Сергей Симоненко ва Сардор Рашидов муаллифлик қилишганди.
“Лахвия”га қарши баҳс “Бунёдкор”нинг Қатар клублари билан учинчи учрашуви сифатида тарихда қолади.
Қуйидаги ҳаволалар орқали “Бунёдкор”нинг Қатар клублари билан кечган аввалги учрашувлари видеолавҳалари билан танишишингиз мумкин.