Мадриднинг "Атлетико" клуби бош мураббийи Диего Симеоне "Байер"га қарши ЕЧЛ жавоб учрашуви олдидан ўйин ҳақида фикр билдирди.
"Коке - ўйинни уқий олиш бўйича энг яхши ярим ҳимоячилардан бири. У ўзининг энг яхши ўйинини кўрсата олса, биз ҳам яхши ўйнаймиз. "Байер" вертикал футбол намойиш этади. "Байер"нинг ҳужумдаги учлиги жуда тезкор. Биринчи ўйинда уларни тўхтата олмаган бўлсак ҳам, уларга қарши қандай ўйнаш керак эканини биламиз. Бизнинг мақсадимиз - ғалаба. Биз кўплаб ютуқларимизни қўлга киритишимизга сабабчи бўлган стадиондаги мухлисларимизнинг қўллаб-қувватлашларига ишонамиз. Улар бир дақиқа бўлса ҳам тинмай, бизни олқишлаб туришади деб умид қиламан", - дейди аргентиналик мураббий.
"Ғалаба қозониш учун энг яхши йўл - футбол ўйнаш. Биз ишлашда ва умид қилишда давом этамиз. Биз ҳотиржамликни сақлаб қолишимиз лозим", - деди Симеоне.
