"Милан" бош мураббийи Филиппо Индзаги Италия чемпионатининг 27-турида "Фиорентина"га учралган мағлубиятдан сўнг фикрларини билдирди (1:2).

"Бугун жамоа мен хоҳлагандай ўйнади. Бугун мен ўз "Милан"имни кўрдим. Афуски, бугун дуранг ҳам биз учун ёмон натижа бўлган ҳолатда ютқаздик. Ғалаба қозонишимиз керак эди.

"Фиорентина"га қарши ўйинда бўшашмаслик керак. Натижа ёмон бўлди, аммо бизнинг ўйинимизга ҳам муносиб баҳо бериш керак.

Келажагим? Менинг шартномам бор, қолганини клуб ҳал қилади. Президент ва Галлиани тез-тез қўнғироқ қилиб туришибди.

Яна 30 йил мураббийлик қилмоқчиман. "Милан" мен учун кўп нарса қилди, жамоада кўпроқ муддатга қолмоқчиман.

Агар мени қолдиришса, яхши, йўқса - ўз йўлимда кетаман ва бошқа жойда ишлашда давом этаман. Бугунгидай кунлар учраб турсада, менга бу иш ёқади, бу футбол", - дейди Индзаги.