Доҳа, 16 март - "Локомотив" клуби кечки машғулотларга тайёргарлик кўрар экан, Тошкентдан жамоанинг етакчи ўйинчиларидан бири учун ажойиб янгилик келди.
33-рақам эгаси Олег Зотеев ўғил кўрди. Жамоа бош мураббийи Вадим Абрамов барчани тўплаб ўз табригини айтиб, эртанги ўйин учун мазкур хабар янада омадли келишига умид билдириб қолди.
"Хурсандчилигимнинг чеки йўқ. Агар эртага майдонга тушиб, гол урсам, албатта ушбу голни ўғглимга бағишлайман", - дейди Олег Зотеев.
"Локомотив" жамоаси ва барча мухлислар номида биз ҳам Олегнинг ўғлига узоқ умр ва саломатлик тилаб, бугунги ўйинда Зотеев энг кучли ўйинларидан бирини намойиш қилишига умид билдириб қоламиз.
