"Барселона" бош мураббийи Луис Энрике чемпионлар лигаси 1/8 финалида "Манчестер Сити" клубига қарши жавоб учрашувидан сўнг (1:0) фикрларини билдирди.
"Ҳамма масалаларни ечиш учун бизда етарли вақт бор эди. Ассосийси - мақсадимизга етдик: "Сити"ни ютдик ва кейинги босқичга чиқдик. Жамоа яхши ўйин кўрсатди, учрашувда ажойиб муҳит юзага келди.
"Реал"га қарши учрашувга бошқа исталган учрашув каби ёндошамиз. Ҳа, биз ўйинга ажойиб кайфиятда боряпмиз, етакчилик қиляпмиз ва мухлисларга ғалаба тортиқ қилмоқчимиз.
Чемпионатда нималар бўлмасин, бу ўйинда фаворит ҳақида гапириш ноўрин.
Устунлигимиз - ўз майдонимиз, бу жуда муҳим, аммо бу ҳам ҳар доим ҳал қилувчи фактор бўлмайди. Бизни фаворит деб аташ таваккалчилик ва нотўғри бўлар эди", - дейди Энрике.
