"Манчестер Сити" бош мураббийи Мануэль Пеллегрини чемпионлар лигаси плей-оффида "Барселона"га қарши учрашувдан сўнг (0:1) фикрлари билан ўртоқлашди.

"Шубҳасиз, биз энг яхши жамоага ютқаздик. Мессини ушлаб қолиш қийин. Балки, биринчи бўлимда яхши ўйнай олмагандирмиз, аммо танаффусдан сўнг яхши ўйнадик ва таваккал қила бошладик.

Иккита гол уришимиз керак эди, агар Агуэро пенальтини ура олганда, буни уддалашимиз мумкин эди. Бу учрашувнинг энг муҳим вазияти бўлди, чунки финал ҳуштагигача 15 дақиқа қолган эди.

"Барселона"га қарши 4 марта ўйнадик, уларнинг ҳаммасида турли схемалар қўлладик. Муаммо тактикада эмас, ўйинимиз савиясида.

Қуръада "Барселона"га дуч келиб, омадимиз келмади", - дейди Пеллегрини.