Бугун Европа чемпионлар лигаси ва Европа лигасининг чорак финалига қуръа ташлаш маросими бўлиб ўтади.

ЕЧЛ
Қуръа "кўр-кўрона" тарзда ўтказилади, жамоалар саватчага ажратилмайди. Бир мамлакатнинг икки жамоаси ўзаро тўқнаш келиши мумкин. Биринчи тортилган жамоа дастлабки ўйинни ўз майдонни ўтказади, иккинчи тортилган жамоа унга рақиблик қилади. Шу тарзда қуръа давом этади.

ЕЧЛ чорак финал иштирокчилари: «Реал Мадрид», «Порту», «Бавария», «ПСЖ», «Атлетико», «Монако», «Барселона» ва «Ювентус».

Қуръа маросими Тошкент вақти билан соат 16:00да бошланади. Чорак финал ўйинлари 14-15 ва 21-22 апрель кунлари бўлиб ўтади.

Европа лигаси
Қуръа "кўр-кўрона" тарзда ўтказилади, жамоалар саватчага ажратилмайди. Бир мамлакатнинг икки жамоаси ўзаро тўқнаш келиши мумкин. Россия ва Украина жамоалари тўқнаш келиши олди олинади.

Европа лигаси, 1/4 финал иштирокчилари: «Брюгге», «Вольфсбург», «Днепр», «Динамо» Киев, «Зенит», «Наполи», «Севилья», «Фиорентина».

Қуръа Тошкент вақти билан 17.00да бошланади. Чорак финал ўйинлари 16 ва 23 апрель кунлари ўтказилади. Европа лигаси финал ўйини 27 май куни Варшава шаҳрида бўлиб ўтади.