Италия терма жамоаси бош мураббийи Антонио Контенинг фикрича, терма жамоага бошқа давлат фуқароларини жалб қилишнинг ёмон жойи йўқ.

Аввалроқ, "Скаудра Адзурра"нинг Болгария ва Англия терма жамоаларига қарши учрашувига асли бразилиялик бўлган Эдер ("Сампдория") ва аргентиналик Франко Васкес ("Палермо") чақирилган эдилар.

Бу Италияда кенг муҳокамага сабаб бўлди.

"Мен бошқа давларт фуқароларини терма жамоага жалб қилган биринчи ва охирги мураббий эмасман. Бу иш аввалдан бўлиб келган. Гап Каморанези, Ледесме, Палетта, Тиагу Мотта, Амаури ва Ромулу ҳақида кетмоқда.

Охирги жаҳон чемпионатида 83та ана шундай футболчи қатнашди. Ҳозирги футболнинг қоидалари шундай. БУ мавзуда баҳслар қизиши тайин. Мен ҳамманинг фикрини ҳурмат қиламан, аммо мен ҳеч ким қилмаган ишни қилмаяпман", - дейди Конте.