"Милан" ишқибозлари клуб раҳбарияти билан учрашишга уринмоқда, акс ҳолда уй учрашувларига бойкот билан таҳдид қилишмоқда.
Бу ҳақда ишқибозлар клуби етакчиси Жанкарло Капели маълум қилган, унинг сўзларига кўра, 12 апрел кунига белгиланган 30-турнинг "Сампдория"га қарши учрашувида фанатлар сектори бўм-бўш қолиши мумкин.
"Биз Сильвио ёки Барбара Берлускони билан учрашмоқчимиз. Уларга хабар қилдик, жавоб кутмоқдамиз. "Сампдория"га қарши учрашувгача жавоб олмасак, норозилик давом этаверади", - дейди Капели.
Эслатиб ўтамиз, 28-турнинг "Кальяри"га қарши учрашувида фанатлар секторида "Ўйин тугади. Клубни сақлаб қолиш учун танга ташланг" деб ёзилган баннер осилган эди.