"Реал" президенти Флорентино Перес "класико"даги мағлубиятда жамоа посбони Икер Касильясни айблади.
Бу ҳақда журналист Пипи Эстрада Испания телевидениесининг El Chiringuito de Jugones кўрсатувида маълум қилган. Журналистнинг сўзларига кўра, мадридликлар президенти учрашувда жамоаларнинг фарқи дарвозабонлар ҳаракатларида бўлганини айтган.
Эслатиб ўтамиз, "класико"да "Барселона" 2:1 ҳисобида ғалаба қозонган эди.