Бокс бўйича WBC йўналиши раҳбари Маурисио Сулаймоннинг қайд этишича, Мэнни Пакьяо ва Флойд Мейвезер ўртасидаги жанг ғолибига уч минг дона зумраддан ишланган янги камар тақдим қилинади.
«Бу ерда нархнинг аҳамияти йўқ. Сабаби бу баҳоси йўқ воқеа», дея Сулаймоннинг сўзларидан иқтибос келтиради BoxingScene нашри.
«Биз камарни 3 минг дона зумраддан ишладик. Бу бизга қанчага тушганини билмайман. Бу камар замонавий боксдаги энг катта жангда ғалаба қозонган боксчига берилади. Катта эҳтимол билан ушбу камар билан саёҳатлар ташкил қилиниши мумкин. Мухлислар уни томоша қилиши ва расмга тушишга ҳақли», дейди Сулаймон.
Зумраддан ишланган янги камар тақдимоти 16 апрельдан кейин бўлиши кутилмоқда. Пакьяо-Мейвезер жанги эса 2 май куни бўлиб ўтади.
