"Барселона" ва "Атлетик Бильбао" жамоалари ўртасидаги Испания кубоги финал баҳси "Камп Ноу" стадионида бўлиб ўтадиган бўлди. Бу ҳақда "Барса"нинг Твиттердаги саҳифаси хабар тарқатди.
"Камп Ноу" Испаниядаги энг катта стадионлардан бири ҳисобланади. Унга 100 мингга яқин мухлис сиғади. Испания Қирол кубоги 30 май куни бўлиб ўтади.
Аввалроқ финалчи жамоалар ҳал қилувчи ўйинни "Сантьяго Бернабеу"да ўтказиш учун анча ҳаракат қилиб кўришди. Аммо "Реал" ўз стадионини бу жамоаларга ижарага бермади. Регламентга кўра, Кубокнинг ҳал қилувчи ўйини финалчи жамоалардан бирининг майдонида ўтказилиши мумкин. Бунга тўсиқ йўқ.
