Янги мавсумга тайёргарликни 2 январдан бошлаган “Оқ-тепа” 4 апрель куни илк расмий учрашувини ўтказади, дея хабар бермоқда клуб расмий сайти.
“Оқ-тепа” янги мавсумда ҳам ўз олдига жиддий мақсадларни қўйган. Шу муносабат билан 1 апрель куни матбуот анжумани ташкил этилади. Анжуманда клуби раҳбари ва бош мураббий ОАВ ходимларининг саволларига жавоб қайтаради. Қолаверса, жамоанинг янги уч нафар аъзоси билан ҳам суҳбатлашиш имкони бўлади.
Матбуот анжумани 1 апрель, чоршанба куни “Оқ-тепа” стадиони анжуманлар залида ташкил этилади. Тадбир 11:30да бошланади.
Клуб барча оммавий ахборот воситалари ходимларини матбуот анжуманига таклиф қилади!
