"Реал" ҳимоячиси Серҳио Рамос, миллий терма жамоадаги шериклари ҳақидаги фикрлари билан ўртоқлашди.

"Мората - ажойиб ўйинчи ва уни буюк келажак кутмоқда. У нималарга қодир эканлигини исботлай олди ва дастлабки жамоасидан қайта чақирув олди.

У тезкор, тўп билан яхши муомала қилади, унга қарши ўйнаш жуда мушкул. У хужумдаги энг муқобил вариантлардан биридир.

Иниеста ҳақида гапирадиган бўлсам, у бутун дунё оналари орзусидаги куёвдир.

Унинг фаолияти бунга яққол мисол. У ўз ишининг устаси ва ютишнинг имкони бор бўлган, барча совринларни қўлга киритган.

Пике? Мен яна у билан ўйнаётганимдан хурсандман. Эҳтимол, бу "Барселона" учун хушхабар эмасдир, лекин биз учун ажойиб янгилик", - дейди Рамос.