Kun.uz: Хитойнинг Шанхай шаҳрида фигурали учиш бўйича ўтказилган жаҳон чемпионатининг финал босқичида Ўзбекистон номидан иштирок этган Миша Ге 234,99 очко тўплади ва олтинчи ўринни эгаллади.
У биринчи кунги чиқишидаги кўрсаткичлари орқали саккизинчи ўринда қайд этилганди.
Бу турнирда испаниялик Хавьер Фернандес ғолиб бўлди. У 273,90 очко тўплаган. Ундан кейинги ўринларда эса япониялик Юдзуру Ханю (271,08 очко) ва Қозоғистон вакили Денис Тен (267,72 очко) номлари қайд этилди.
Россия вакили Максим Ковтун эса 230,70 очко тўплаган ҳолда Миша Гедан кейинги еттинчи ўринни эгаллади.
