Ўзбекистон олимпия терма жамоаси 23 ёшгача бўлган футболчилар ўртасидаги Осиё чемпионатининг финал босқичи йўлланмаси учун эртага ўзининг иккинчи баҳсини ўтказади. Бугун бўлиб ўтган матбуот анжуманида Бангладеш олимпия терма жамоаси бош мураббийи Лодевик де Круиф ўйин қийин бўлишини таъкидлаб ўтди.
"Сурияга қарши ўйинда асабийлашдик ва бир нечта хатоларга йўл қўйдик. Ўзбекистон ҳам Сурия даражасидаги жамоа. Уларнинг савияси биздан анча юқори. Ўзбекистон билан Осиё Ўйинларида тўқнаш келгандик. Қийин ўйин бўлганди. Сўнгги ўйинларда йўл қўяётган хатоларимизни такрорламасликка ва жипслашган ҳолда ўйнашимиз керак", - дейди Лодевик де Круиф.
