Испания терма жамоаси бош мураббийи Висенте дел Боске, "Қизил фурия"нинг айрим футболчилари ҳақидаги фикрларини билдириб ўтди.
Серхио Рамос ҳақида
«Серхио ажойиб формада, у асосий гуруҳ билан ишламоқда. Унда кичик муаммо бор, лекин бу унинг терма жамоадаги фаолиятига таъсир ўтказмайди, деб ўйлайман. Албатта, ғалаба - ҳаёт-мамот масаласини ҳал қилмайди, лекин у жуда муҳим омил. Кичик хатолар ҳам ёмон оқибатларга олиб келиши мумкин»
Рамоснинг дебютига 10 йил тўлди...
«Ҳа, у бизнинг энг муҳим футболчиларимиздан бири. Ж.А.Рдаги мундиалда энг яхши ўнг қанот ярим ҳимоячиси бўлди, ЕВРО-2012 да эса энг яхши марказий ҳимоячи деб топилди. У дунёнинг энг яхши футболчиларидан бири, ҳаттоки тўпурарлик борасида ҳам. Унинг сўнги мавсумдаги голларини эслаш кифоя»
Иско ҳақида
"У ўз жамоасининг ишонган футболчиларидан бирига айланиб улгурди. Терма жамоада эса ҳалича энг муҳим футболчига айлана олганича йўқ, лекин аллақачон асосий таркибда ўйнашга лойиқлигини исботлаб бўлди. Агар мендан Иниеста ва Исколардан қай бири яхшироқ эканлигини сўрасангиз, мен иккаласини ҳам бир хил, деб жавоб бераман. Улардан бирини танлаш муаммо, улар бир хил ишни бажаришади.
