Kun.uz: Норвегия терма жамоаси ва Мадриднинг “Реал” клуби яримҳимоячиси Мартин Эдегор Европа чемпионати саралаш босқичи доирасида Хорватия билан Норвегия ўртасидаги учрашувга 16 йилу 101 кунлик ёшида майдонга тушиб, Европа чемпионати саралаш босқичлари тарихида асосий таркибда ўйинга тушган энг ёш футболчи бўлди.
“Қироллик клуби” ўйинчиси ўйинни охиригача ўтказган бўлсада, бу норвегияликларнинг хорватлардан 5:1 ҳисобида катта ҳисобдаги мағлубиятга учрашидан сақлаб қололмади.
2014 йил 13 октябрда Мартин Эдегор Болгария терма жамоаси билан бўлган учрашувда Евро саралаш босқичлари тарихида захирадан майдонга тушган энг ёш ўйинчи бўлган эди. Январда у Норвегиянинг Драммен шаҳрининг “Стремсгодсет” клубидан “Реал” клубига ўтган.
Норвегия Н гуруҳида 5-турдан кейин 9 очко тўплаган ҳолда Хорватия (13 очко) ва Италия (11 очко) терма жамоаларидан кейин 3-ўринни эгалламоқда.
