Бангладеш ва Ўзбекистон олимпия терма жамоалари ўртасидаги ўйиндан кейин ҳар иккала жамоа бош мураббийлари матбуот анжуманида иштирок этишди.
Лодевик де Круиф, Бангладеш U23 терма жамоаси бош мураббийи:
"Иккита ўйинда дарвозамизга киритилган 8та голдан олтитасини "стандарт"дан сўнг ўтказиб юбордик. Ҳеч нарсага тушунмаяпман. Ўйиндан олдин видео орқали қандай ҳаракат қилиш кераклигини кўрсатгандим. Улар ҳаммасини тушунишганди, аммо майдонда улар бутунлай бошқача ҳааркат қилишмоқда. Ўйиндан олдин ҳеч қандай муаммо йўқ эди. Ўйлайманки, барчаси концентрациянинг йўқлиги, стандарт вазиятда ўйнаш тажрибасининг йўқлиги боис ўйиннинг 12-дақиқасига келиб 2та гол ўтказиб юбордик. Шу билан ўйин барбод бўлди. Райҳон, Фаҳад, Сохелунинг қўпол хатолари бизга қимматга тушди".
Бахтиёр Ашурматов, Ўзбекистон U23 терма жамоаси бош мураббийи:
"Биз биринчи бўлимда жуда яхши ўйнадик. Аммо иккинчи бўлим бошида ҳужумчимизнинг майдондан четлатлиши режамизни ўзгартириб юборди. Яна 3та гол уришимиз керак эди. Мен бугунги ўйинда 6 нафар асосий таркиб футболчисига дам бериб, бошқа ўйинчиларга имконият бердим. Боиси, 5 кун ичида 3та ўйин ўтказишимиз керак".
