2013/14 йиллардаги мавсум натижаларига кўра, Англиянинг “Ньюкасл Юнайтед” жамоаси даромад кўриш борасида “Ливерпуль”дан ўзиб кетди.

“Зағизғонлар” клубнинг молиявий томондан ривожланиши ҳолатини тасдиқлаб, 18,7 млн фунт стерлинг (тахминан 25,5 млн евро) миқдорида рекорд даражадаги соф фойда олганларини маълум қилдилар. 2013 йилда бу кўрсаткич 9,9 млн фунт стерлингни (13,5 млн еврони) ташқил қилган.

“Ньюкасл”нинг теленамойишлар ҳуқуқларни сотишдан олган даромади 78,3 млнф фунтни ташкил қилган. Клубнинг ҳомийлик шартномаларидан оладиган даромади икки маротаба ошган. Бироқ клубнинг қарзи аввалгидек 129 млн фунт стерлинг миқдорида қолмоқда.

“Ньюкасл”, мисол учун йил натижаларига кўра 7 йил ичида эндигина фойда билан чиққан “Ливерпуль”дан фарқли ўлароқ, тўртинчи йил кетма-кет фойда келтирмоқда. Клубнинг умумий тушуми 129,7 млн фунт стерлингни ташкил қилган, бу 2013 йилдаги кўрсаткичга нисбатан 33,8 млн фунт стерлинг кўпроқ миқдорни ташкил қилган.