Бирлашган Араб Амирликларининг словакиялик футболчиси Мирослав Стох Осиё чемпионлар лигаси гуруҳ босқичининг 3-тури доирасида "Пахтакор"га қарши ўйинда майдонда четлатилганди.
ОФК ушбу футболчини ОЧЛнинг 4та ўйинига дисквалификация қилиш тўғрисида қарор чиқарди. Европалик футболчи Тошкентдаги ўйинда захира ҳакамини ҳақорат қилгани боис майдондан четлатилганди. Энди у "Пахтакор" билан БААда бўладиган жавоб ўйинида жамоасига ёрдам бера олмайди.
Айнан Мирослав Стохнинг ягона голи "Ал-Айн"га "Пахтакор" устидан ғалабани таъминлаганини таъкидлаб ўтиш лозим.
Шунингдек, "Насаф" билан бир гуруҳда ўйнаётган БААнинг "Ал-Аҳли" клуби дарвозабони Мажид Носир ОЧЛ 2-тури доирасида "Тракторсозий"га қарши Эронда бўлиб ўтган ўйин пайтида фотожурналистни ургани боис 6та ўйинга дисквалификация қилинди.
