Япония терма жаомаси бош мураббийи Воҳид Халилходжич Ўзбекистонга қарши бўлиб ўтган ўртоқлик ўйинидан кейин ўз фикрлари билан ўртоқлашди.
"Ажойиб ўйин бўлди. Мен ўйинчиларга қарата "Браво!" деган бўлардим. Бешта гол урганимиз — бу жуда яхши. Шунга қарамай, чалғимаймиз, ҳали бартараф этишимиз керак бўлган камчиликларимиз бор. Уларнинг устида ишлаймиз.
Мен мазкур йиғинга 27 нафар футболчини таклиф қилиб, таваккал қилгандим. Уларнинг сонини 23тага қисқартириш — қийин иш. Терма жамоага номзод бўлган ҳар бир футболчини амалда кўришни истадим. Терма жамоада ҳеч кимга жой кафолатланмаган. Бундан кейин Европага бориб, ҳар бир футболчининг ўйинини ўз кўзим илан кўрмоқчиман. Рақобат — Япония терма жамоасини янада кучли қилади", - дейди босниялик мутахассис.
