“Барселона” ҳужумчиси Педро ҳали ҳам жамоадаги келажаги борасида аниқ бир нарса дея олмаслигини маълум қилди. Аввал 27 ёшли испаниялик футболчининг ёзда Каталония клубидан кетиши мумкинлиги ҳақида хабарлар тарқалганди. Форвардга “Ливерпуль” ва “Арсенал” каби инглиз клублари қизиқиш билдиришмоқда. Бу йилги мавсумда Педро Испания чемпионатида 26 ўйин ўтказган, 5 гол ҳамда 4 голли пас муаллифи бўлган.

– Мунтазам ўйин амалиётига эга бўлмаган вақтинг жамоанинг керакли футболчисиман дея олмайсан, – дея Педро сўзларини келтиради “СЭ”. – Мавсум давомида кам ўйин ўтказсанг, клубдан кетишинг ҳақида гап-сўзлар пайдо бўла бошлаши табиий ҳол. Нима бўлган тақдирда ҳам жамодаги келажагим мавсум якунлангач ойдинлашади.