“Реал” марказий ҳимоячиси Пепе болдирининг латераль пайларини жароҳатлаб олган, деб хабар бермоқда Мадрид клуби расмий твиттери маълумотига таяниб “СЭ”.
Жароҳат сабаб футболчи Euro-2016 доирасида Сербияга қарши учрашувни (2:1) ҳам ўтказиб юборган. Португалиялик ҳимоячининг қанча муддатда тикланиши қайта текширувлар натижасида аниқ бўлади.
Бу йилги мавсумда Пепе Испания чемпионати ва ЕЧЛ доирасида 23 учрашув ўтказган, уларда 1 гол киритган ва шерикларига 3 та голли узатма етказиб берган.