«Реал» ҳимоячиси Пепе белидан олган жароҳат туфайли камида 10 кун давомида майдонга туша олмайди.

Шу тариқа, португалиялик футболчи Испания чемпионатининг 3та ўйинида аниқ иштирок эта олмайди: «Гранада»га қарши (5 апрель), «Райо Вальекано» билан (8 апрель) ва «Эйбар»га қарши (11 апрель).

«Реал» мураббийлар штаби футболчининг ЕЧЛ чорак финали доирасида 14 апрель куни бўладиган «Атлетико»га қарши ўйингача тикланишига умид қилмоқда.

Эслатиб ўтамиз, Пепе жароҳат боис Португалия терма жамоаси сафида Сербияга қарши Евро-2016 саралаш баҳсида майдонга туша олмади (2:1).