"Арсенал" бош мураббийи Арсен Венгер АПЛнинг 31-турида "Ливерпуль" билан учрашув олдидан рақиб ҳужумчиси Раҳим Стерлингни топ-савиядаги футболчи деб атади.
20 ёшли футболчи клуб билан шартномасини узайтиришни истамаяпти, унга "Арсенал" ва "Реал" қизиқаётганиги хабар қилинган.
"Стерлинг - топ-савиядаги ўйинчи. Унинг "Ливерпуль" учун қанчалик муҳим ўйинчи эканлигини бутун Англия билади. Унинг шартномаси борасида гапиришни истамасдим, айниқса ўйинга икки кун қолганда. Ҳозир Стерлинг "Ливерпуль"нинг муаммоси, менинг эмас", - дейди Венгер.