Kun.uz: Каталониянинг «Барселона» клуби ҳужумчиси Неймар 2013 йилда «Барселона»га ўтиши бўйича кўрилаётган масала юзасидан судга чақирилди. Бу ҳақда «Cadena SER» нашри хабар тарқатмоқда.
Манбанинг маълум қилишича, трансфер бўйича имзоланган 13та шартноманинг 9тасида футболчининг имзоси қайд қилинган. Айнан мана шу имзоланган шартномалар бўйича у кўрсатма бериши керак бўлади.
Эслатиб ўтамиз, «Барселона» футболчи учун жами 57,1 миллион евро сарфлаганини маълум қилган, аммо маҳаллий прокуратура ишига кўра, жамоа 83,3 миллион евродан кам бўлмаган маблағни ишлатган.
Маълумот ўрнида, ушбу масала юзасидан олиб борилган суд натижасида Сандро Россел «Барселона» президентлигидан бўшаганди. Унга ушбу трансфердан 40 миллион еврони яшириш ва бунинг натижасида тўланиши керак бўлган 9 миллион евро солиқлардан қочиш айби қўйилган.
