Бугун куним Фарғонада ўтди. Ўзбекистон Футбол Федерацияси делегацияси таркибида Ўзбекистон ва Янги Зеландия ёшлар терма жамоаларининг ўртоқлик учрашувига бориб келдик.

Фарғонада янги олимпия стадиони қурилди. Номи “Истиқлол”. 20 минг ишқибоз билан тўлади. Ичига кирсангиз, янги нарсаларнинг хиди келади.

Ўйин яхши ўтди. Ўзбекистон ёшлар терма жамоаси фақат ҳисоб бўйича эмас, балки савия борасида ҳам Янги Зеландиядан устун эканлигини кўрсата олди. Айниқса, фарғоналиклар маза қилиб футбол томоша қилди.

Менимча, умримда биринчи марта фарғонача ош едим. Жуда ҳам ёқди. Лекин, менимча, Ўзбекистонда ошни энг зўр Тошкентда дамлашса керак.

Яна, ўша водийча ош сузилаётганда Отабек Муҳаммадзоҳид куйлаган “Тановор” эсимдан ҳеч чиқмаса керак.

Кўрган ва билганларимни (смартфонда) видеога олиб, самолётда (смартфонда) монтаж қилдим.