"Милан" ярим ҳимоячиси Кейсуке Хонда жароҳат олиб, бир неча ҳафтага сафдан чиқди. Бу ҳақда "россонери" бош мураббийи Филиппо Индзаги хабар берди.
"Кеча машғулот пайтида Хонданинг тўпиғи чиқиб кетди. Афсуски, биз уни бир неча ҳафтага йўқотдик. Бундай бўлганидан афсусдаман, Хонда жамоамиз учун муҳим ўйинчи эди.
Лекин Бонавентура, Одил Рами ва Кристиан Сапата бирин-кетин сафга қайтишмоқда. Тўғри, Рами ва Сапата борасида ҳали таваккал қила олмайман. Улар энди битта машғулотда иштирок этишди", - дейди Индзаги.
Италия чемпонатининг 28-туридан кейин "Милан" 38 очко билан 8-ўринни эгаллаб турибди.
