“Реал” бош мураббийи Карло Анчелотти ўзининг “Милан”га қайтиши мумкинлиги борасидаги хабарларга изоҳ бериб ўтди.
“Қачондир “Милан”га қайтишим мумкинми? Албатта. Бу мен яна қайтиб боришим мумкин бўлган ягона клуб.
Италия терма жамоасида ишлашга келсак, ҳозирча ўзимни бу ролда кўрмаяпман. Айни вақт ўзим қилаётган иш яъни ҳар куни машғулотлар майдонига чиқиш ва футболчилар билан мулоқот қилишдан завқ олаяпман”, – дея Анчелотти сўзларидан иқтибос келтиради Sports.ru.
Эслатиб ўтамиз, Карло Анчелотти “Милан”да 2001 – 2009-йиллар оралиғида фаолият юритган. Кейинчалик мураббийлик ишини “Челси”, “ПСЖ” клубларида давом эттирган.
