Швейцариянинг Лозанна шаҳрида жойлашган Спорт арбитраж суди (CAS) ҳаками Лучио Колантуони футбол бўйича Черногория терма жамоаси Россия билан бўлган учрашув давомида юз берган кўнгилсиз воқеа учун 2016 йилги Европа чемпионатида иштирок этиш ҳуқуқидан маҳрум этилиши мумкинлигини айтмоқда.
“Агар мендан қандай жазо қўлланиши мумкин деб сўрашганда, Черногорияга 0:3 ҳисобида техник мағлубият берилиши мумкинлигини айтган бўлардим. Бундан ташқари, эҳтимол, Черногория Европа чемпионатида иштирок этиш ҳуқуқидан маҳрум этилиши ҳам мумкин. Юридик томондан, содир этилган бу тажоввузкор ҳаракатлар жиноят ҳисобланади ва бунга алоқаси бўлган барча шахслар жазоланиши керак”, деб айтди Колантуони.
