"Локомотив"нинг Осиё чемпионлар лигасидаги рақиби "Фулад" Эрон чемпионатининг навбатдаги турида зафар қучди.
Ўз майдонида "Истиқлол" билан баҳс олиб борган "Фулад" 2:1 ҳисобида ғалаба қозонди. Шарифат ҳамда Чаго томонидан киритилган голлар майдон эгаларига уч очкони тақдим этди. "Фулад" кейинги баҳсни ОЧЛ диорасида "Ал-Ҳилол"га қарши ўтказади.
ОЧЛдаги яна бир рақибимиз "Ал-Ҳилол" эса мамлакат чемпионатининг 21-турида "Ат-Таъвун" меҳмони бўлиб, сафардан 1:0 ҳисобидаги ғалаба билан қайтди. 59-дақиқада Носир аш-Шамроний томонидан киритилган гол "Ал-Ҳилол"га ғалаба келтирди. Айни пайтда бу жамоа турнир жадвалида 3-ўринни эгаллаб турибди.
