«Реал» бош мураббийи Карло Анчелотти баёнот бериб, чемпионатнинг қолган 10та ўйинида ғалаба қозониб, "Барселона" билан чемпионлик учун кураш олиб бориш ниятида эканини таъкидлаб ўтди.

«Ҳозир жамоа ўзини яхши ҳис қилмоқда, биз катта иштиёқ билан ўйнаяпмиз. Ишончим комил, чемпионлик учун бизда ҳали имконият бор. Агар «Барселона» очко йўқотиб, қолган 10та ўйинда ғалаба қозонсак, чемпион бўлишимиз мумкин. Бу утопия эмас.

Жамоанинг жисмоний ҳолати ўтган йилгига нисбатан ҳам яхши. Апрелда кўп ўйинларда иштирок этамиз. Барча билан ўйнашга тўғри келади. Ишончим комил, 10та ўйинда ғалаба қозона оламиз. Ҳар бир ўйинда жанг қилишга тайёрмиз. Бунга кучимиз етади», – дейди Анчелотти.

Эслатиб ўтамиз, чемпионат тугашига 10 тур қолганидан «Барселона» «Реал»ни 4 очкога ортда қолдирмоқда.