“Реал” ҳужумчиси Криштиану Роналду бугун бўлиб ўтган ва 9:1 ҳисобидаги ғалаба билан якунланган “Гранада”га қарши ўйиннинг биринчи таймидаёқ 3та гол киритишга муваффақ бўлди ва бу 8 дақиқа ичида амалга оширилди.
У ўйиннинг 30-дақиқасидан 38-дақиқасигача бўлган вақт ичида 3 марта гол киритиб, биринчи таймнинг ўзида тез хет-трик қайд этиш бўйича ҳам, энг кам вақт ичида 3та гол уриш бўйича ҳам ўз натижасини яхшилади.
Роналду иккинчи таймда ҳам яна икки голга муаллифлик қилди ва турнирдаги голлари ҳисобини 36тага етказиб қўйди. Эндиликда у 32та гол урган Мессини 4та фарқ билан ортда қолдирмоқда.
Қайд этиш жоизки, Роналдунинг тезкор хет-трики “Реал” тарихида ҳам 1992-йилдан буён энг яхши натижа сифатида ҳисобланди.
