Мадриднинг «Реал» клуби ҳужумчиси Криштиану Роналду «Гранада» дарвозасига 5та гол урганидан кейин Испания чемпионатидаги голлари сонини 213тага етказди.

Бу орқали португалиялик футболчи Мануэль Фернандес Паиньони ортда қолдириб, умумий рўйхатда 8-ўринга кўтарилиб олди. Паиньо 1943-1957 йиллар оралиғида 210та гол урган.

Яқин йиллар ичида Роналду ўзидан олдинда бораётган Кини (219та гол), Сезар Родригес (223), Альфредо Ди Стефано (227), Рауль (228), Уго Санчес (234) ва Тельмо Сарра (251)ни ортда қолдириши мумкин.

Примеро тарихидаги энг яхши тўпурар номи Лионель Мессига тегишли. Аргентиналик футболчи ҳисобида 275та гол бор.

Бир жиҳатни таъкидлаб ўтиш лозим, Роналду номлари юқорида келтирилган футболчиларга нисбатан битта ўйинда ўртача гол уриш бўйича олдинда бормоқда — 1,12 гол (Мессининг кўрсаткичи — битта ўйинга 0,9 гол).