"Локомотив" ўзининг навбатдаги учрашувини ОЧЛ 4-тур доирасида "Ас-Садд"га қарши ўтказади. ТТЗда жойлашган "Локомотив" стадионида бўлиб ўтадиган баҳс соат 16:00да старт олади.
Эртадан бошлаб стадион кассаларида ўйин учун чиқарилган чипталарни харид қилишингиз мумкин. Барча тоифадаги чипталарнинг нархи бир хил - 7 минг сўмдан қилиб белгиланган. Демак, "Локомотив"га бефарқ бўлмаган ҳамда учрашувга ташриф буюрадиган мухлислар эртадан бошлаб бемалол чипта харид қилишлари мумкин.
"Ас-Садд" билан бўладиган баҳсда ишқибозларнинг қўллаб-қувватлаши "Локомотив" учун ниҳоятда зарур. Чунки ғалаба қозонган тақдиримизда кейинги босқичга чиқиш имконияти пайдо бўлади. Шундай экан, 8 апрель кунги "Локомотив" - "Ас-Садд" учрашувини ўтказиб юборманг.
